حه‌ز ژ ستایلێ پۆپ و راپ ناكه‌ت
دهۆك، زنار تۆڤی:
باران ده‌مهات، سترانبێژكێ خه‌لكێ تاتوانێ یه ل باكورێ كوردستانێ، پتری بیست سالانه سترانان دبێژیت، د دیداره‌كێ دا بۆ رۆژناما ئه‌ڤرۆ دیاركر كو وی ئه‌لبۆما خوه یا ئێكێ ب ناڤێ (ده‌ما ئازادی) ل سالا 2014 به‌لاڤكریه، كو ژ حه‌فت تراكان پێك دهات، هه‌روه‌سا ئه‌و ل به‌ر ده‌نگێ هونه‌رمه‌ند شڤان په‌روه‌ر و شاكرۆی مه‌زن بوویه و گه‌له‌ك حه‌ز ژ سترانێن وان دكه‌ت، و حه‌ز ژ ستایلێ پۆپ و راپ ناكه‌ت، هه‌تا نوكه چه‌ندین كلیپ به‌لاڤكرینه.
ناڤهاتی گۆت: نێزیكی شه‌ش هه‌یڤان بوو من كار ل سه‌ر تۆماركرنا به‌رهه‌مه‌كێ فولكلۆری دكر ب ناڤێ (لاوێ من، كه‌زی شۆر) ل نێزیك دێ به‌لاڤ كه‌م، هه‌روه‌سا مژوولی تۆماركرنا سترانه‌كا دی مه و دخوازم، ئه‌و گه‌نجێن ژ نوو سترانان دبێژن، فۆلكلۆرێ كوردی بپارێزن.
