هاجه‌رێ خه‌لاتێ چارێ ل وه‌لاتێ هندێ وه‌رگرت
سلێمانیێ، عه‌زیز هه‌ورامی:
هه‌لگورد سالح، ده‌رهێه‌رێ كورته فلمێ (هاجه‌ر) كو ده‌مێ وی چارده خوله‌كن، د دیداره‌كێ دا بۆ رۆژناما ئه‌ڤرۆ دیاركر كو د ده‌مه‌كێ نه‌خۆش دا ئه‌و كورته فلم هاتیه چێكرن، ئه‌و ژی ل سه‌رده‌مێ كۆرۆنایێ بوو، و ژ به‌رهه‌مێ رێڤه‌به‌ریا گشتی یا ره‌وشه‌نبیری و هونه‌ری یه ل پارێزگه‌ها سلێمانیێ.
زێده‌تر گۆت: كورته فلمێ هاجه‌ر ب هاریكاریا گرۆپێ هاملتۆن هاتیه چێكرن، ناڤه‌رۆكا ڤی كورته فلمی ل دۆر كاره‌ساتا ئه‌نفالێ یه، كو ئه‌و ژی چیرۆكا ئافره‌ته‌كێ یه ب ناڤێ (هاجه‌ر) كو هه‌تا نوكه دژیانێ دا مایه، لێ هه‌موو كه‌سوكارێن خوه د ئه‌نفالێ دا ژ ده‌ست داینه، هه‌تا نوكه ڤی كورته فلمی پشكداری د چه‌ندین فیسته‌ڤالان دا كریه و دووماهی جار ل وه‌لاتێ هندێ پشكداری د فیسته‌ڤالا نیۆده‌لهی دا كریه و ژ سه‌رجه‌مێ هه‌شتێ فلمان خه‌لاتێ چوارێ دوێ فیسته‌ڤالێ وه‌رگرت.
