فلمێن كوردی پیشكه‌فتن ب خوه‌ڤه دیتیه
دهۆك، زنار تۆڤی:
ده‌رهێنه‌ر (كه‌ره‌م ته‌كئوغلۆ) كو ژ باكورێ كوردسانێ یه، د دیداره‌كێ دا بۆ رۆژناما ئه‌ڤرۆ گۆت: هه‌بوونا فلمه فیسته‌ڤالا دهۆكێ بۆ سینه‌ماكارێن كورد گه‌له‌ك گرنگیا خوه هه‌یه، چنكو ئێك ژ فیسته‌ڤالێن هه‌ره سه‌ركه‌فتیه ل سه‌ر ئاستێ هه‌رێما كوردستانێ، هه‌روه‌سا باشتره فیسته‌ڤالێن مینا یا دهۆكێ ل هه‌موو ده‌ڤه‌رێن هه‌رێما كوردستانێ بهێنه گێڕان، ژبه‌ركو پێدڤییا كوردان ب پرۆژێن ب ڤی ره‌نگی هه‌یه، دیسان ل سالا 2016 ێ بۆ جاران ئێكێ من پشكداری د فلمه فیسته‌ڤالا دهۆكێ دا كریه، سال بۆ سالێ فلمه فیسته‌ڤالا دهۆكێ مه‌زنتر و گه‌شتر لێ دهێت، هه‌روه‌سا فلمێن كوردی باشتر لێ دهێن و گه‌له‌ك پیشكه‌فتن ب خوه‌ڤه دیتیه.
هه‌روه‌سا گۆت: ئه‌ڤ ساله ب به‌لگه فلمێ (شه‌ڤا ره‌ش) من پشكداری د فلمه فیسته‌ڤالا دهۆكێ دا كربوو، چیرۆكا وی فلمی ل سه‌ر شازده كه‌سێن كورده ل رۆژئاڤایێ كوردستانێ كو ته‌قه ب ده‌ستێ له‌شكه‌رێن تورك ل وان هاتیه‌كرن، كو ئه‌و روودانه به‌ری چل سالان بوویه، ب تنێ كه‌سه‌ك ژ وان قورتال بوویه، به‌لگه فلم ل سه‌ر ژیانا وی كه‌سی بوویه یێ كو ژ وێ روودانێ قورتال بووی و ده‌مێ وی پێنجی و پێنج خۆله‌كن.
