مانیا عه‌لی: د هزرا من دایه به‌رنامێ وه‌رزشی پێشكێش بكه‌م
دهۆك، هه‌رهین محه‌مه‌د:
مانیا عه‌لی، پێشكێشكارا به‌رنامێ زارۆكان ل كه‌نالێ دهۆك تیڤی، كو نوكه قوتابیه ل كولیژا په‌روه‌ردا بنیات پشكا زمانێ ئنگلیزی، د دیداره‌كێ دا بۆ رۆژناما ئه‌ڤرۆ دبێژیت: ئه‌ڤه بۆ ده‌مێ ده‌ه سالانه پێشكێشكارا به‌رنامێ زارۆكانم و هه‌تا راده‌كێ باش به‌رنامێ زارۆكان یێ مفاداره ژخواندنا من یا ئینگلیزی و دیسان ره‌یان وه‌كی برایه‌كی پشته‌ڤانێ منه و دبینم ده‌مێ بۆری دا گه‌له‌ك گۆهۆڕین ب سه‌ر من داهاتینه و نوكه ژیێ من نوزده سالن و هه‌ست پێدكه‌م ئه‌زیا مه‌زن بوویم ، به‌لێ دناڤ خوه دا هێشتا بچویكاتیێ دبینم و ده‌مێ دیدارێ ل گه‌ل زارۆكان دكه‌م خوه دانم وه‌كو هه‌ڤال ل گه‌ل وان و گه‌له‌ك یا ئارامم ل گه‌ل زارۆكان خوه هه‌كه چه‌وان ره‌فتارێ ل گه‌ل بكه‌م.
مانیایێ گۆتژی: د هزرا من دایه ل ده‌مه‌كێ نێزیك به‌رنامێن وه‌رزشی پێشكێشكه‌م، چونكو من گه‌له‌ك پێزانین و حه‌ز ل سه‌ر وه‌رزشێ هه‌یه و دبینم ل رۆژێن بهێت دێ خۆه د بۆارێ به‌رنامێن وه‌رزشی دا بینم و دێ بۆ من جهێ شانازیێ بیت ل وی ده‌می به‌رنامێن مه‌زنان پێشكێشكه‌م و خه‌لك دبێژن ئه‌ڤه مانیایا به‌رنامێ زارۆكایه و ل وی ده‌می دی َهه‌ست پێكه‌م ژ زارۆكینیا خوه من خزمه‌ت بۆ زارۆكان ژی یا كری.
