نه‌شێت هێزا خوه هه‌موویێ دیاركه‌ت
دهۆك، شاهۆ فه‌رید:
سیهاد نایف، گه‌نجه‌كێ خه‌لكێ دهۆكێ یه، هه‌تا نوكه وه‌كو ئه‌كته‌ر پشكداری د هژماره‌كا شانۆگه‌ری و فلم و كورته فلم و دراما دا كریه، نوكه ژی وه‌ك هاریكارێ ده‌رهێنه‌ری دكورته فلمه‌كی دا كاردكه‌ت، هه‌روه‌سا وه‌ك ئه‌كته‌ر پشكداره د درامایه‌كێ دا كو ل به‌ره د هه‌یڤا ره‌مه‌زانێ دا بهێته نیشادان.
ناڤهاتی، د دیداره‌كێ دا بۆ رۆژناما ئه‌ڤرۆ دبێژیت: پشتی من پشكا شانۆیێ ل په‌یمانگه‌ها هونه‌رێن جوان ب دووماهی ئینای، من به‌رده‌وامی ب خواندنا خوه دا و نوكه ئه‌ز قوتابیمه ل پشكا درامایێ/قوناغا چارێ ل زانكۆیا دهۆك، به‌لێ هندی مرۆڤ قوتابی بیت هزردكه‌ت یێ دناڤ تێسته‌كێ دا و نه‌شێت هێزا خوه هه‌موویێ دیاركه‌ت.
هه‌روه‌سا گۆت: هه‌رچه‌نده مه ئه‌كته‌رێن باش ل ده‌ڤه‌را به‌هدینان هه‌نه، به‌س كچ دناڤدا دكێمن و پشته‌ڤانی ژی نینه، هه‌روه‌سا سپۆنسه‌ر ژلا نینن، له‌ورا ئه‌ز ره‌وشا هونه‌ری ب باشی نابینم، له‌ورا دخوازم پشته‌ڤانی ل گه‌نجان بهێته كرن و ئه‌كته‌ر و ده‌رهێنه‌رێن ئه‌كادیمی و نه ئه‌كادیمی بهێنه ژێكجوداكرن.
