فلمێن كوردی د ئاسته‌كێ باش دانه
دهۆك، زنار تۆڤی:
میران دزه‌یی، به‌رهه‌مهێنه‌ره‌كێ سینه‌مایی یه، د دیداره‌كێ دا بۆ رۆژناما ئه‌ڤرۆ گۆت: ب دیتنا من نوكه ئاستێ به‌رهه‌مئینانا فلمێن سینه‌مایی ژ سالێن بۆری باشتره و ئه‌ز ب باوه‌رم ل سالێن بهێن دێ باشتربیت، لێ ب مه‌رجه‌كی هه‌كه پتر پشته‌ڤانی لێ بهێته كرن.
هه‌روه‌سا گۆت: فلمه فیسته‌ڤالا دهۆكێ یا نێڤده‌وله‌تی ل سه‌ر ئاستێ كوردستانێ و ئیراقێ تاكه فیسته‌ڤال بوو كو ب ره‌نگه‌كێ پرۆفێشنال هاتیه ئه‌نجامدان، هه‌روه‌سا فلمێن كوردی ژی د ئاسته‌كێ باش دانه، لێ مه ئاریشا سیناریۆیێ هه‌یه، دڤێت كار ل سه‌ر ڤی بیاڤی پتر بهێته كرن، ژ پێخه‌مه‌ت سیناریۆیێن باش بۆ فلمێن سینه‌مایی بهێنه به‌رهه‌ڤكرن.
