فلمێ (مرۆڤ و ژینگه‌ه) هاته به‌رهه‌مئینان
ئه‌ڤرۆ:
فلمێ مرۆڤ و ژینگه‌ه كو ده‌ربڕینێ ژ پیسكرنا ژینگه‌ها كوردستانێ دكه‌ت ژ لایێ ژماره‌كا هونه‌رمه‌ند و ئه‌كته‌ران ڤه هاته به‌رهه‌مئینان، فلمێ ناڤهاتی ژ سیناریۆ و ده‌رهێنانا (رێبوار محه‌مه‌د)ی یه و (باوه‌ر ره‌فیق) ب كارێ وێنه‌كرن و مۆنتاژا هه‌مان فلم رابوویه و نێزیكی 20 ئه‌كته‌ران د ڤی فلمی دا پشكدارن.
بێوار محه‌مه‌د ده‌رهێنه‌رێ فلمێ ناڤهاتی دیار كر كو كارێ وێنه‌كرنا فلمێ وی ل باژێرێ سلێمانیێ و ده‌ڤه‌را قه‌ره‌داغ هاتیه ئه‌نجامدان و بۆ كوردستان24 گۆت: “ناڤه‌رۆكا فلمی به‌حسێ بێوژدانیا مرۆڤان به‌رامبه‌ر ژینگه‌هێ و هاڤێتنا به‌رمایكان بێ گوهدانا بهایێ مرۆڤایه‌تی و شارتانیه‌تێ و نه‌خۆشی و هه‌ستكرن ب به‌رپرسایه‌تیێ دكه‌ت، هه‌روه‌سا د هه‌مان فلم دا به‌حسێ بڕینا داران و كۆلانا بیرێن ئاڤێ ژئه‌گه‌رێ هشكه‌سالیێ و یاریێن ئاگری یێن سه‌رێ دكه‌ت”.
