ئه‌ڤین عومه‌ر: كارێ خوه ب دامای دكه‌م
دهۆك، هه‌رهین محه‌مه‌د:
ئه‌ڤین عومه‌ر، خانمه كا ده‌ست ره‌نگینه، كارێ دیزاینا جلكێن كوردی دكه‌ت، د دیداره‌كێ بۆ رۆژناما ئه‌ڤرۆ دبێژیت: ژ زارۆكینیا خوه من حه‌زا دروارێ هه‌بوو، به‌لێ گه‌له‌ك كه‌سان ژ من دخواست كارێ دیزاینێ بۆ بكه‌م و ل ده‌ستپێكێ من كارێ دیزاینێ ل سه‌ر كاغه‌زێ چێدكرن و پاشی من بزاڤكر وی َدیزاینێ بكه‌مه كاره‌كێ جوان و ل وی ده‌می من جهه‌كێ بچووك هه‌بوو من نه‌شیا وی كاری دوی جهی ڤه بكه‌م، له‌ورا من جهه‌كێ مه‌زنتر ڤه‌كر و رۆژانه ته‌ماشه‌ی سۆشیال میدیایی َدكه‌م، ب تایبه‌ت په‌یچێن گرێدای دیزاینێ ڤه و هزره‌كێ ژێ وه‌ردگرم و گوهۆڕینان لێ دكه‌م و ل ده‌ستپێكێ َمن ل دووف داخوازیان كاردكر و ب مخابنی ڤه ژ وێ دیزاینێ بتنێ وێنه بۆ من دما، له‌ورا من دوكانا خوه تژی كر ژجلكێن كوردی و دیزاینان و بۆ ڤی كاری ژی من هاریكار هه‌نه و هنده‌ك ژنن ل مالێن خوه بۆ من كاردكه‌ن و هنده‌ك ژوان ژی دهێنه جهێ من كاردكه‌ن بۆ كارێ دوارێ و حه‌زژ بتنێ بوونێ ناكه‌م.
ئه‌ڤینێ گۆت: بۆ كارێ دیزاینكرنا جلكێن كوردی ده‌مێ ئه‌ز یا دامای بم دشێم هه‌موو كارێن دیزاینێ بكه‌م، بۆ نموونه هه‌كه یا كه‌یفخۆشبم فیستانه‌كی د حه‌فتیه‌كی َدا دیزاین دكه‌م و هه‌كه یا دامای بم دده‌مژمێره‌كێ دا ب دووماهیی دئینم.
