نیڤین حه‌سه‌ن وه‌ك باشترین پێشكێشكارا سالێ هاته هه‌لبژارتن
دهۆك، شاكر ئه‌تروشی:
مه‌دیاكار (نیڤین حه‌سه‌ن) كو خه‌لكا پارێزگه‌ها دهۆكێ یه، ل حه‌فتیا بۆری وه‌ك باشترین پێشكێشكارا سالێ ژلایێ ده‌زگه‌هێ (كوردش ورد سینگه‌ر) ل هه‌ولێرا پایته‌خت هاته خه‌لاتكرن و ب گۆتنا وێ ئه‌ڤ سه‌ركه‌فتنه بۆ پشته‌ڤانیا به‌رده‌واما دایكا وێ دزڤڕن.
نیڤینێ بۆ ئه‌ڤرۆ گۆت: ل سالا (2006) ب هاریكاریا دایكا خوه (سهام ماجد) من هنده‌ك ریكلام بۆ سه‌رۆكاتیا باژێرڤانیا دهۆكێ چێكرن، ل (2008) ئه‌ز بوومه بێژه‌را به‌رنامێ زارۆیان ل كه‌نالێ دهۆك تیڤی و هه‌تا (2011) یا به‌رده‌وام بووم، دووڤدا چوومه كه‌نالێ پێلستانك و هه‌تا (2015) ل وی كه‌نالی من ستران بۆ زارۆیان دگۆتن، دووڤدا چوومه كۆمپانیا دایكا خوه (بازار ریكلام) من كارێ راگه‌هاندنێ كر و هه‌تا نوكه یا به‌رده‌وامم و ل ده‌مێ بۆری وه‌ك پێشكێشكار من چه‌ندین ئاهه‌نگ ب رێڤه‌برینه وخۆشحالم كو ژ لایێ (ده‌زگه‌هێ كوردش ورد سینگه‌ر) وه‌ك باشترین پێشكێشكار بۆ سالا 2022 هاتیمه هه‌لبژارتن و بۆ ده‌مێ بهێت دێ من هنده‌ك پلانێن دی هه‌بن.
ناڤهاتی، ده‌رچوویا پشكا مۆزیكێ یه ل په‌یمانگه‌ها هونه‌رێن جوان ل دهۆكێ، به‌ری سێ هه‌یڤان ژیانا هه‌ڤژینیێ ل گه‌ل سترانبێژ (رامان عوبه‌ید) پێكئینایه.
