به‌دیع محه‌مه‌د: جڤاكێ مه حه‌زژ هونه‌ری نه‌كریه
دهۆك، هه‌رهین محه‌مه‌د:
شێوه‌كارێ به‌رنیاس (به‌دیع محه‌مه‌د) د دیداره‌كێ دا بۆ رۆژناما ئه‌ڤرۆ گۆت: من گه‌له‌ك مفا ژ شێوه‌كاریێ دیتیه و هونه‌رێ من پێ كاركری سیرامیك و كولانا ل سه‌ر شویشه‌ی بوو، پاشی من ده‌ست ب پۆرینكێ كرمن ب هه‌موو شێوازان كاركریه و هه‌تا كو كارێن ده‌ستی ژی، به‌لێ سه‌ر كه‌فتنێن مه‌زن من ب سیرامیكی ئینان و ل سه‌ر ئاستێ عیراقێ بوومه یێ ئێكێ.
ناڤهاتی گۆت: هه‌تا نوكه من سێزده پێشانگه‌هێن تایبه‌ت ڤه‌كرینه و ده‌مه‌كه مژوولی ڤه‌كرنا پێشانگه‌ها چاردێ مه و سه‌ندیكا هونه‌رمه‌ندێن كوردستانێ/ لقێ دهۆك دێ بۆ من ڤه‌كه‌ن و ئه‌ز وه‌سا دبینم كو ل ڤێ دووماهیێ گه‌له‌ك شێوه‌كار ل دهۆكێ ده‌ركه‌فتیه و كارێ وان یێ پرۆفیشناله و هه‌كه هاریكاری و پشته‌ڤانیا وان بهێته‌كرن دێ پێنگاڤێن باش هاڤێژن و كارێن جوان كه‌ن، به‌لێ مخابن جڤاكێ مه هند حه‌زژ هونه‌ری نه‌كریه هه‌تا كو شێوه‌كارێن مه ل سه‌ر جادێ كه‌ڤالان چێكه‌ن و شێوه‌كاری هونه‌ره‌كێ خودایی یه و دڤێت هێز و شیانێن خوه دیاركه‌ت و جڤاك ب چاڤه‌كێ مه‌زن به‌رێ خوه ناده‌نه كه‌ڤالێن خۆمالی و گه‌له‌ك گرنگیێ دده‌نه هونه‌رێ بازرگانی.
