پاره بۆ زنجیره درامایێن درێژ نینن
سلێمانیێ، عه‌زیز هه‌ورامی:
هونه‌رمه‌ند (هاوڕێ قادر ره‌شید) د دیداره‌كێ دا بۆ رۆژناما ئه‌ڤرۆ دیاركر كو ئه‌ڤه ده‌مه‌كه چار به‌رهه‌مێن هونه‌ری ل به‌ر ده‌ستێن وی هه‌نه، سێ ب دووماهی هاتینه، یێ چارێ ژی كورته فلمه‌كه ب ناڤێ (دویكێل) كو ژ سیناریۆ و ده‌رهێنانا منه، مه ل به‌ره ببینه هنده‌ك فیسته‌ڤالان، هه‌روه‌سا مه كورته فلمه‌كێ دی ژی ب ناڤێ (ره‌شمار) هه‌یه، به‌لێ ژبه‌ركو ئه‌كته‌ره‌كێ مه د ئاڤاهیه‌كی دا كه‌فتیه ب شێوه‌كی ده‌مكی وێنه‌گرتنا وی هاتیه راگرتن، هه‌روه‌سا وه‌ك ئه‌كته‌ر من پشكداری د درامایه‌كا عه‌ره‌بی دا كریه بۆ كه‌نالێ (الشرقیه) و رۆلێ من دوێ درامایێ دا ئه‌ز ئه‌فسه‌رێ پۆلیسانم.
هاوڕێ گۆت: هه‌ر چه‌نده من كارێ ده‌رهێنانێ بۆ پتر ژ ده‌ه فلم و بیست شانۆگه‌ریان كریه، به‌لێ زێده‌تر ئه‌ز ب سینارێست دهێمه نیاسین و من گه‌له‌ك هه‌ڤالێن دی یێن هونه‌رمه‌ند كارێن باش ل به‌ر ده‌ست هه‌نه لێ ژبه‌ر نه‌بوونا پاره‌ی نه‌شیێن ئه‌نجام بده‌ین، چنكو بۆ چێكرنا زنجیره درامایێن درێژ پاره‌كێ زۆر پێ دڤێت و ئه‌ڤه ژی لڤی ده‌می یا ب زه‌حمه‌ته.
