گولسەن ئەحمەد: كچ زووتر ژ كوڕان فێری دروارێ دبن
شاكر ئەتروشی:
گولسەن ئەحمەد، كچەكا خەلكا دهۆكێ یە، د دیدارەكێ دا بۆ رۆژناما ئەڤرۆ دبێژیت: دژیەكێ بچووكدا حەزا دروارێ ل دەف من هەبوو، لەورا ل 2009 ل مال من دەتپێكر و پشتی بەرفرەهبوونا كارێ من ل 2017 من دوكانەك بۆ خوە ڤەكر و نوكە سێ كچێن دی ل گەل من كاردكەن و بۆ جەژن و نەورۆزێ ژی هەتا هەشت كچان ل دەف من كاركریە.
هەروەسا گۆت: نوكە ئەز هەموو جۆرێن جلكێن ژنان دیزاین و درویم، هەروەسا گەلەك دیزاین یێن من ب خوە نە و ل ڤێ دووماهیێ من دەست ب دروینا خاكێن زەلامان ژی كریە و یا من دڤێت بێژم نابیت كچ بێی كار د مال دا روونیت و پێدڤیە هەر ئێك هزرێ ل كارەكی بكەت، ئانكو وێ چ حەز هەیە كاری بۆ بكەت و دێ رۆژەك هێت سەركەڤیت، بۆ زانین هەتا نوكە من سێزدە خۆلێن فێركرنا دروارێ ڤەكرینە و نێزیكی شێست و پێنج كەسان ژ كچ و ژنان، هەروەسا هندەك زەلام ژی من فێری ڤی كاری كرینە و گەلەك ژوان درینگەه ژی بۆ خوە ڤەكرینە و ل دەف من كچ زووتر ژ كوڕان فێری دروارێ دبن.
