ژ بابێ خوە فێری سترانێن فۆلكلۆری بوویە
ئەڤرۆ
دلڤین رەشید:
سترانبێژ (جەمــــــال شنگاری) د دیدارەكێ بۆ رۆژناما ئەڤرو دیاكر كو دژیەكێ بچووكدا وی دەست ب گۆتنا سترانێن فۆلكلۆری یێن دەڤەرا شنگارێ كریە و ژ بابێ خوە فێری سترانگۆتنێ بوویە، نوكە ژی ئاوەرە بوون نەبوویە رێگر دەستان ژ سترانان بەردەت و یێ بەردەوامە.
ناڤهاتی گۆت: ژبلی سترانگۆتنێ ئەز تەمبورێ ژی دژەنم، چنكو دەڤەرا مە ب سترانێن فۆلكلۆر و تەمبورێ یا ناڤدارە، چنكو ڤان جۆرە سترانێن فۆلكلوۆری تایبەتمەندیا خوە ل دەڤەرا شنگار هەیە و هونەرمەندێن شنگارێ ژی رۆلەكی مەزن دڤێ چەندێ دا هەبووینە و راستە نوكە ئەم ئاوەرەینە بەلێ دێ هەر د بەردوام بین ل سەر پاراستنا سترانێن رەسەن یێن فۆلكلۆری یێن چیایێ شنگارێ و داخوازێ ژ نڤشێ نوو دكەم ئەوژی گرنگیێ ب سترانێن دەڤەرا شنگار بدەن و ب پارێزن، چنكو هونەری ژی رۆلەكی گرنگ دپاراستن و دیاركرنا مێژویا مللەتان دا هەیە نەخاسمە سترانێن فۆلكلۆری.
