هەشت پرتووك بۆ زارۆیان چاپكرینە
ئەڤرۆ
رەمەزان زەكەریا:
رۆستەم خامۆس، نڤیسەرێ چالاك دبۆارێ ئەدەبێ زارۆیان دا، د دیدارەكێ بۆ رۆژناما ئەڤرۆ گۆت: ئەڤە دەمەكێ درێژە ئەز كاری ل سەر نڤیسینا ئەدەبێ زارۆیان دكەم وەك هەلبەست و هندەك نڤیسینێن دی و هەتا نوكە شیامـــــــــــە هەشت پرتــــــــووكان چاپ بكەم.
نــــــــــــــــــــــــــاڤبـــری گـــــــــــــــــــۆت: بۆارێ زارۆیان گەلەك یێ هەستیارە و پێدڤیە مرۆڤ گــــــــەلەك ب هشیاری كاری ل سەر بكەت، چنكو زارۆك جیهانەكا پاقژو بەرفرەهە و هەر تشتێ ئەو د قوناغا سنێلەیێ دا بخۆینن یان قوناغا زارۆكینیێ ئەو دكەنە بەرنامەیێ ژیانا خوە، بەرهەمێ ئەدەب و هونەرێ مندالان، ژ بەرهەمێ من و د. هاوژین سلیوەیە و بەرهەمێ دیدارا ئەدەبێ مندالان بەرهەمەكێ هەڤپشكێ دەه نڤیسەرانە و ئەم دێ بەردەوام بین ل سەر نڤیسینا هەلبەست و چیرۆكان و داخوازا من ئەوە زارۆ پتر بخوینن و مفا و بهایێ خواندنێ باشتر بزانن، چنكو ئەو تاكە رێكە وان بگەهینتە ئارمانجێن وان.
