جۆ بایدن ب سەرەدانەکا نەچاڤەرێکری گەهشتە ئۆکرانیایێ
ئەڤرۆ
دوهی جۆ بایدن سەرۆکێ ئەمریکا ب سەرەدانەکا نەچاڤەرێکری گەهشتە ئۆکرانیایێ و ژ ئالیێ سەرۆکێ ئۆکرانیایێ ڤە پێشوازی لێ هاتە کرن.
دەزگەهێن راگەهاندنا ئەمریکا دیار دکەن پشتی رۆسیا ئێرشێن خوە ل سەر ئۆکرانیایێ دژوار کری ئەلمانیا و هندەک ژ وەلاتێن دی یێن ئێکەتیا ئۆرۆپا بریار دان، کو چەکێن مۆدێرن بدەنە ئۆکرانیایێ و سەرەدانا سەرۆکێ ئەمریکا د رەوشەکا وەسا دا پەیامەکا ئاشکرایە بۆ رۆسیا، کو ئەمریکا ب چو رەنگەکێ دەست ژ پشتەڤانیا ئۆکرانیایێ بەرنادەت.
چاڤدێرێن سیاسی ژی دیار دکەن سەرەدانا نەچاڤەرێکری یا بایدنی بۆ ئۆکرانیایێ و پشتەڤانیا ئەمریکا و وەلاتێن دی یێن ئۆرۆپا بۆ وی وەلاتی دشێت ببیتە ئەگەرێ دژواربوونا شەری، چونکی بەری چەند رۆژان وەزیرێ دەرڤە یێ رۆسیا ژی دیار کربوو شەرێ وان تنێ ل گەل ئۆکرانیایێ نینە و ئەو شەرێ گەلەک وەلاتان دکەن. ژ بەر هندێ ژی پشتی سەرەدانا نەچاڤەرێکری یا بایدنی بۆ ئۆکرانیایێ دبیت رۆسیا ژی ئێرشێن خوە ل سەر دەڤەرێن جودا جودا یێن ئۆکرانیایێ دژوارتر بکەت.
