دهۆك تیڤی یا درامایەكێ بۆ هەیڤا رەمەزانێ وێنە دكەت
ئەڤرۆ
هەرهین محەمەد:
دەرهێنەر (عادل عەبدولمەجید) د دیدارەكێ دا بۆ رۆژناما ئەڤرۆ دیاركر كو نوكە ئەو مژوولی درامایەكا دەه خەلەكی یە بناڤێ (فاول) كو ژ نڤیسین و دەرهێنانا وی یە، نوكە یا دهێتە وێنەكرن و ل بەرە د هەیڤا رەمەزانا پیرۆز ل سەر شاشەیا دهۆك تیڤی بهێتە نیشادان.
ناڤهاتی گۆت: هەتا نوكە چ ئاستەنگ بۆ مە چێنە بووینە و ب پشتەڤانیا كەنالی دهۆك كار ب دروستێ یێ ب رێڤە دچیت و دراما ل سەر كێشە و ئاریشێن جڤاكی یە و ل دهۆكێ هاتیە وێنەكرن و رەنگڤەدانا وێ دێ مینت بۆ خەلكێ مە و ئەڤ درامایە دێ چیتە دمالێن خەلكی دا و هەموو هیڤین مە ئەون ئەم درامایەكا باش چێكەین و خەلك خوە بینت پشكەك ژ وێ درامایێ و ئەڤە بۆ مە گەلەك یا گرنگە.
