ئه‌ندامەکێ ئەکادیمیا زانست: سته‌نبول د مەترسیێ دایە
ب، سه‌رجان مه‌حمود:
ناجی گۆروور ئه‌ندامێ ئەکادیمیا زانستێ ل تورکیا و بسپۆرێ بیڤەلەرزێ د داخۆیانیه‌کێ دا بۆ ده‌گه‌هێن راگه‌هاندنێ دیار کر، کو وی به‌ری سێ سالان هۆشداری دابوو ده‌ستهه‌لاتێ دێ ل مه‌راشێ بیڤەلەرزەکا دژوار روو دەت و گۆت: (نها راستیه‌ک هه‌یه تورکیا ل سه‌ر پێلێن دژوار یێن بیڤەلەرزێ دایە و دڤێت د ئاڤاکرنا خانیان و ئاڤاهیێن بلند دا ده‌وله‌ت ل دووڤ ڤێ راستیێ بزاڤان بکه‌ت، لێ هه‌تا نها ده‌ستهه‌لاتێ گۆهداریا مرۆڤێن زانا و بسپۆرێن بیڤەلەرزێ نه‌کریه و د ئه‌نجام دا کاره‌ساتێن مه‌زن یێن مرۆڤی دروست بووینە، ئه‌ڤ چه‌ند رۆژن ژی ئه‌م به‌رده‌وام داخواز ژ ده‌ستهه‌لاتێ دکەین دا کو ل باژێرێ هه‌تایێ دەست ب پێرابوونێن پێدڤی بکەت).
ناجی گۆروور هه‌روه‌سا راگه‌هاند ژی د ره‌وشا نها دا مەترسی ل سەر ئستەنبولێ هەیە، مخابن گەلەک ئاڤاهی ل ئستەنبولێ ژی وەکو پێدڤی نەهاتینە ئاڤاکرن، دڤێت هەر کەس بزانیت کو ئەگەرێ سەرەکی یێ مرنا مرۆڤان بیڤەلەرزە نینە، بەلکو ئەو ئاڤاهینە کو ب رەنگەکێ خراب هاتینە دروست کرن.
