ئه‌لمانیا: دێ هەڤپەیمانیەکا بهێز ل دژی رۆسیا یێ دروست کەین
ب. سەرجان مەحمود:
ئۆلاف شۆلز شیرەتکارێ ئه‌لمانیا د پرێس کۆنفرانسەکێ دا ل به‌رلینێ راگه‌هاند، کو وی ل گەل سه‌رۆک و سه‌رۆک وه‌زیرێن وه‌لاتێن ئه‌ندامێن G7 (حه‌فت وه‌لاتێن خوه‌دان ئابووریا مه‌زن) کۆمبوونه‌کا ئۆنلاین سازکرینه، د کۆمبوونێ دا ره‌وشا ئۆکرانیایێ و دژوارکرنا گه‌مارۆیێن ئابووری و سیاسی یێن ل سه‌ر رۆسیا یێ گه‌نگه‌شه کرینه و گۆت: (ساله‌کە رۆسیا ده‌ست ب شه‌رێ داگیرکرنا ئۆکرانیایێ کریه و بێگومان رۆسیا تاوانباره و دڤێت بله‌ز شەڕی راگریت و ژ ده‌ڤه‌رێن کو داگیر کرنە هێزێن خوه ڤه‌کێشیت. هه‌ر حه‌فت سه‌رکردێن وه‌لاتێن G7 ئێکده‌نگ بوون ل سه‌ر زێده‌کرنا هاریکاریێن سه‌ربازی و ئابووری بۆ ئۆکرانیایێ، ئه‌م ژی وه‌ک ئه‌لمانیا دێ 18 تانکێن مۆدێرن یێن شه‌ڕی ده‌ینە ئۆکرانیایێ و د وارێ ئابووری دا ژی دێ ئاستێ هەڤکاریێن خوه زێده‌تر کەین).
ناڤهاتی هه‌روه‌سا راگه‌هاند ژی د کۆمبوونا وه‌لاتێنG7 دا گه‌ره‌نتی هاتیه دان، کو بۆ باشترکرنا ژیانا وه‌لاتیێن ئۆکرانیایێ پرۆژێن ئابووری بهێنه پێشێخستن و گۆت: (د کۆمبونا ئۆنلاین دا مه بریار دا ژ نها ڤه کار بۆ به‌رفرەهکرنا هه‌ڤپه‌یمانیا نێڤده‌وله‌تی ل دژی رۆسیا بکەین، دڤێت وەسا بکەین رۆسیا ل جیهانێ ب تنێ بمینیت، دڤێت پتر ژ هەر دەمەکێ کار بۆ لاوازکرنا رۆسیا بکەین).
