مامۆستایەك (27) جۆرێن بەرا دبەتە دپۆلێ ڤە
ئەڤرۆ
رەمەزان زەكەریا:
مامۆستا (سەگڤان عەبدولخالق چالی) د دیدارەكێ دا بۆ رۆژناما ئەڤرۆ گۆت: ل قوتابخانا گوندێ دیناران سەر ب پەروەردا بەردەڕەش ڤە ل وانەیا كۆمەلایەتی هەر جارەكێ بۆ قوتابیان بەحسێ بابەتەكێ گرنگ دكەم ب رەنگەكێ راستەوخۆ ب پراكتیكی و هەر وانەیەكێ پێكهاتا وی ل ناڤ پۆلێ كۆم دكەم بۆ وێ چەندێ قوتابی پتر مفای ژێ بینن ب پراكتیكی دناڤ پۆلێ دا بۆ قوتابیان شرۆڤە دكەم.
هەروەسا گۆت: وانەیێن بۆ قوتابیان شرۆڤە دكەم گشتینە، ژوانا ئەڤ جارە مە بەحسێ پێكهاتا رووبەرێ ئەردێ ئیراقێ كر بۆ قوتابیان كۆ 26 جۆرێن بەران د پولێ ڤە ل سەر مێزەكێ كۆم دكەم و بەحسێ پێكهاتا وان بەران و مفایێن وان بۆ قوتابیان دكەم و مەرەما من ژ ئینانا بەران بۆ ناڤ پۆلێ ئەوە قوتابیان باشترین شێوە فێربكەم و بەری نوكە ژی مە وانە ل سەر ژینگەهێ و خوارنا كەسكاتی ب هەمان شێوە نیشا قوتابیان دابوو.
