ڤانیا سلێمان: گەلەك ب مۆزیكێ ڤە هاتیمە گرێدان
ئەڤرۆ
سولین سلێمان:
ڤانیا سلێمان، مۆزیكژەنەكا گەنجە ل دهۆكێ، د دیدارەكێ دا بۆ رۆژناما ئەڤرۆ دیاركر كو د زارۆكاتیا خوە دا وێ حەز ژ ئامیرێ گیتارێ هەبوو ئەڤە چەندین سالن دژەنیت، دایك و بابێ وێ پشتەڤانیێ لێ دكەن و گیتارەك بۆ وێ كریە، برایێ وێ ژی سەمیان مۆزیكژەنە و فێركرییە هندێ، كانێ چاوا دێ ئامیرێ گیتارێ ژەنیت.
ناڤهاتیێ گۆت: من گەلەك زەحمەت و وەستیان دیت، هەتاكو ئەز باش فێری ژەنینا ئامیرێ گیتارێ بوویم، من رۆژانە گەلەك راهێنان ل سەر دكرن و نوكە گیتار بوویە پارچەكا گرنگ ژ ژیانا من، پتر ئەز مۆزیكێن كلاسیك دژەنم و ژبلی كارێ مۆزیكێ ئەز حەز دكەم ببمە ئەندازیار، هەروەسا هەڤالێن می ژی گەلەك پشتەڤانیێ ل كارێ من دكەن و گەلەك ژ وان ژی حەز دكەن فێری ژەنینا ئامیرێ گیتارێ ببن، ئەز گەلەك ب موزیكێ ڤە هاتیمە گرێدان و بێی مۆزیك نەشێم بژیم.
