د هەموو ژیانا خوە دا ئەز ئەڤیندار نەبوویمە
ئەڤرۆ
ب، هەرهین محەمەد:
هونەرمەند (دلنیا قەرەداغی) د بەرنامێ شاناز ل كەنالێ كوردماكس دیاركر كو ئەو نوكە مژوولی سترانەكا نوویە، ژ پەیڤێن نوحی نە، ئەڤ سترانە بۆ دایكا خوە كریە دیاری و ب سەرپەرشتیا ماموستا سالارە، ل بەرە ل نێزیك بهێتە كلیپكرن ژلایێ كەنالێ ناڤبری ڤە.
ناڤهاتیێ گۆت: ئەڤە بۆ دەمێ هەشت سالانە ئەز ل باژێرێ قاهیرە پایتەختێ وەلاتێ مسرێ دژیم، ل وێرێ گەلەك هزرێن كوردستانێ دكەم و بۆ دین دبم، لەورا مشە دهێمە كوردستانێ، بۆ زانین ل سالا 2014 من ئەلبۆمەكا دەه تراكی چێكربوو، بەلێ شەڕێ دەستپێكر و نەچار بووم كو بەلاڤ نەكەم، چونكو من دگۆت برایێن من یێن پێشمەگە چووینە شەڕی و بەرەڤانیێ ژمە دكەن و د دەنە كوشتن ژنوو ئەز ئەلبۆما خوە بەلاڤ كەم و ژلایێ مادی ڤە گەلەك زیان گەهشتە من، بەلێ چپكەكا خوینا برایێن پێشمەرگە ب سامانێ هەموو دنیایێ نادەم، بۆ زانین ژی د هەموو ژیانا خوە دا ئەز ئەڤیندار نەبوویمە، بەلكو بتنێ ئەز ئەڤیندارا هونەری و سترانگۆتنێ مە.
