ئەحمەد ب سترانا سەرێ زاڤایی پتر د ناڤ خەلكی دا بەرنیاس بوویە
ئەڤرۆ
ئەڤرۆ، شاهۆ فەرید:
سترانبێژ ئەحمەد كۆچەر د دیدارەكێ دا بۆ بەرپەرێ هونەریێ رۆژنا ئەڤرۆ گۆت: ل سالا 1995 من دەست ب كارێ ستران گوتنێ كریە، دەركەفتنا من ژی ئاهەنگێن نەورۆزێ بوویە ل رۆژئاڤایێ كوردستانێ، رێگری ژ لایێ مالا مە ڤە بۆ ڤی كاری ل من دهاتەكرن، مامێ من دوجارا سازا من سۆتیە، بەلێ پشتی وەغەرا وی یا دووماهیێ شیام دەست ب ڤی كاری بكەمەڤە و بچمە داواتان سترانان بێژم ئەڤە ددەمەكی دایە من ل گەل چەندین كومێن وی دەمی یێن هونەری كاركریە، سترانا من یا ئێكێ بناڤێ (گوندێ من تە ژبیرناكەم) هاتیمە نیاسین، هەتا نوكە من شەش كلیپ و شەش بەرهەم هەنە.
ناڤهاتی گۆت: سترانا سەرێ زاڤایی ئەز گەلەك د ناڤ خەلكی دا بەرنیاس كرم، من ڤیا ب ستایلێ بەرێ یێ فلكلۆری دەنگ و دگەل دهۆل و زرنایێ بێژم، گەلەك خەلك داخوازێ ژ مە دكەن رۆژا شەهیانێ بۆ هاتنا بیك و زاڤا وێ سترانێ بێژین، چ جارا ژی پەشێمانی كارێ سترانگوتنێ نەبوویمە، سترانا نوكە چ تام تێدا نینە، كلیپ هەیە گەلەك زەحمەتێ پێڤەدبەن و بتنی دەمەكە، هەر دەم سترانا فلكلۆری خەلك خوە كۆمڤەكریە، زارۆیێن من ژی كارێ هونەری دگەل من ئەنجامددەن و من ئەو بناڤێن هونەرمەندێن مەزن بناڤكرینە.
