حەز دكەت زاڕۆیێن وی ببنە هونەرمەندێن ناڤدار
ئەڤرۆ
زنار تۆڤی:
مۆزیكژەن (عەدنان مەجید ئەلكیشكی) د دیدارەكێ دا بۆ رۆژناما ئەڤرۆ دیاركر كو ئەڤە پتری سیه سالانە ئەو سازێ دژەنیت و دناڤ خێزانەكا هونەری دا مەزن بوویە، هەروەسا كوڕێ وی لاوین د ژیێ دوازدە سالیێ دایە و كچا وی سازڤین د ژیێ دەهـ سالیێ دایە، هەر دو پێكڤە سترانان دبێژن و چەندین پەیڤ و ئاواز بۆ وان چێكرینە.
ناڤهاتی گۆت: ئەز گەلەك حەز ژ مۆزیكێ دكەم، لەوما من ڤیایە زارۆیێن خوە ژی فێربكەم، نوكە لاوین ب رەنگەكێ باش سازێ دژەنیت و سترانان ژی دبێژیت، حەز دكەم پشتەڤانیێ لێ بكەن، چنكو هەتا نوكە كەسێ هاریكاریا مە نەكریە، بتنێ ب رێیا سۆشیالێ ئەم شیاینە هندەك سترانێن وان بەلاڤ كەین، دیسان حەزا من ئەوە هەردو ببنە هونەرمەندێن ناڤدار.
