ئسرائیل و ئۆکرانیا پەیوەندیێن خۆ بهێز دکەن
ئەڤرۆ
بالیۆزێ ئۆکرانیایێ ل ئسرائیلێ د داخۆیانیەکێ دا بۆ دەزگەهێن راگەهاندنێ دیار کر، پشتی ئیرانێ چەک داینە رۆسیا نها ئسرائیلێ دڤێت هاریکاریا وەلاتێ وان بکەت، چونکی بهێزبوونا رۆسیایێ و هەروەسا پەیوەندیێن رۆسیا و ئیرانێ د بەرژەوەندیا ئسرائیلێ دا نینە و وەکو ئۆکرانیا ئەو پشتەڤانیێ ل هەلوەستێ نوی یێ ئسرائیلێ دکەن.
یوگن یورنیچوک ئەو یەک ژی دیار کر، وان داخوازا چەکێ مۆدێرن ژ ئسرائیلێ کرینە، لێ هەتا نها ئسرائیلێ ب فەرمی بەرسڤا وان نەدایە و گۆت: (ئۆکرانیا دڤێت پەیوەندیێن خۆ ل گەل ئیسرائیلێ بهێزتر بکەت، چونکی نها گوهۆرینێن مەزن ل دەڤەرێ و جیهانێ روی ددەن، ژ بەر هندێ ئۆکرانیا داخوازا پشتەڤانیێ ل ئسرائیلێ کریە و جهێ دلخۆشیێ یە، کو هەلوەستێ ئسرائیلێ نها گەلەک باشە).
