كاروان محەمەد: خەلكێ مە پێدڤی ب گڕنژینێ یە
شاكر ئەتروشی:
ئەكتەرێ كۆمێدی (كاروان محەمەد زەینەدین) د دیدارەكێ دا بۆ رۆژناما ئەڤرۆ دیاركر كو ئەڤە دەمەكە ئەو ل گەل كۆمەكا ئەكتەر و هونەرمەندێن باژێرێ زاخۆ مژوولی وێنەكرنا زنحیرە درامایەكێ نە ل گەل هونەرمەند مەهدی مونیر و ئەو دراما دهەیڤا رەمەزانا پیرۆزدا دێ ل سەر شاشا ئەی تیڤی هێتە نیشادان.
كاروان، كو ژقەزا سێمێلێ یە و ژ دایكبوویێ سالا 1988 یە، هێشتا گۆت: دژیەكێ بچووكدا من دەست ب ئەكتەریێ كریە و پشكداریا من یا ئێكێ ل سالا 1999 بوو ل گەل ئەكتەرێ بەرنیاس شاهین كیڤۆرك، دووڤدا من پشكداری د شانۆگەریەكێ دا كر بۆ بنگەهێ لاوان ل قەزا سێمیلێ، پاشان سێ فلمان، یێ ئێكێ ل دۆر تاوانێن داعش بوو، هەروەسا فلمێ چایخانا عەیشۆی كو خەلكەكێ زۆر ئەز پێ نیاسم و چەند بەرهەمێن دی و هەموو ب شێوێ خوە بەخش بووینە، هەروەسا هندەك جاران من ریكلام ژی چێكرینە، لێ ئەڤە هەموو نەبووینە ئەگەر كو ئەز ب هونەری بژیم و نوكە من مووچەكێ دوسەد هزار دیناری هەیە ئەو ژی تێرا كریا خانیێ من ناكەت و نە سەندیكا هونەرمەندان و نە ژی رێڤەبەریا رەوشەنبیری و نە چو دەزگەهێن دی كەسێ چ بۆمن نەكریە و هەكە پشتەڤانیەكا كێم ژی هەبە داشێم كارێن باشتر كەم، چنكو مە ئەو شیان هەنە دبۆارێ كۆمیدیایێ دا خزمەتا دەڤەرا خوە و پارێزگەها دهۆكێ و هەموو كوردستانێ بكەین، بۆ زانین هەتا چل خەلەكێن هونەری من ل یوتیۆپی دا هەنە و بتنێ مەرەما من ئەوە ئەز گرنژینێ ل سەر لێڤێن خەلكی پەیدا بكەم، چنكو خەلكێ مە گەلەكێ وەستایە و پێدڤی ب دلخۆشی و گرنژینێ یە.
