دخوازیت خێزان د پشتەڤان بن
ئەڤرۆ
هەرهین محەمەد:
دلژین جەلال، كچەكا بەهرەمەندیا باژێرێ دهۆكێ یە، قوتابیا قوتابخانا ئالا یا نموونەیی بنەرەتە و كارێ چێكرنا كەڤالان دكەت. دیدارەكێ دا بۆ ئەڤرۆ دبێژیت: ژ زارۆكینی من حەزا چێكرنا وێنەیان هەبوو، مالا من ژی گەلەك پشتەڤانی ل من كرینە، لەورا هەتا نوكە یا بەردەوامم.
ناڤهاتیێ گۆت: كەڤالێن من دەربڕینێ ژ سرۆشتی و مرۆڤان دكەن، و كەڤالی دەمێ خوە یێ هەی كو ل سەر كاربكەم و كەڤالێ ژ هەموویان پتر من ل سەر كاركری ژ پێنچ دەمژمێران دەرباز بوویە و ل دووف تێكەلكرنا رەنگان ژی دمینت و ئەو چەندە ژی یا ب زەحمەتە هەتا كو ئەو رەنگێ مرۆڤی دڤێت دەركەڤیت، ئەو كەسێ حەزا هونەری ل دەف هەبیت بلا ل دووف حەزا خوە بچیت و خێزانێن وان ژی پشتەڤان و هاریكاربن دا كو دوێ حەزێ دا سەركەفتنێ بینن.
