هەورامان ب هونەرێ خوە یا زەنگینە
عەزیز هەورامی:
سترانبێژ (فەرزاد مەهدی) كو خەلكێ دەڤەرا هەورەمانە، د دیدارەكێ دا بۆ رۆژناما ئەڤرۆ دیاركر كو وی دو ئەلبۆم ب ناڤێن (هەوار و سانی، هەور و یارا) ل گەل سترانەكا سینگل بەلاڤكرینە كو هەموو پێكڤە دبنە شازدە ستران و نوكە ژی هندەك سترانێن دی ل بەردەستن، د ئەڤ سالەدا دێ بەلاڤ بن.
ناڤهاتی گۆت: ئەز حەز ژ هەموو سترانێن خوە دكەم و ستایلێ من یێ گۆتنێ یێ جودایە، بەلێ مخابن ئاستێ هونەری ل دەڤەرامە وەكو زارۆیەكێ ساڤایە و گرنگی پێ ناهێتە دان، بۆ زانین هونەری لڤێ دەڤەرێ تایبەتمەندیا خوە هەیە، وەك سیاچەمان، چەپلێ، شێخانە، بەرزەچر، هەروەسا ژین و ژیارا خەلكێ ڤێ دەڤەرێ ژی یا جودایە و پتریا وێ دناڤ چیادا نە، هەكە پشتەڤانی بۆ هەبیت ئەڤ هەورامان ب هونەرێ خوە یا زەنگینە.
