هەڤالێ وی ئەو كرە وێنەگر
ئەڤرۆ
هەرهین محەمەد:
یوسف بەرواری، وێنەگرێ دهۆك تیڤی، د دیدارەكێ دا بۆ رۆژناما ئەڤرۆ گۆت:ل سالا 2018 من دەست ب كارێ وێنەگریێ كریە ب هاریكاریا وێنەگرێ ژێهاتی محەمەد حەبیب و خوە ب قەردارێ وی دانم، چونكو ب رێیا وی گەهشتیە ڤی ئاستێ نوكە و هەتا نوكە ژی یێ هاریكارە دگەل من.
د دووڤدا گۆت: دشێم كارێ وێنەگریا فوتۆیێ ژی بكەم، بەلێ بۆ من ڤیدیۆ خۆشترە و پتر من شارەزایی دڤیدیۆیێ دا هەیە و هەكە كارێ فوتۆیێ ژی بكەم دێ بۆ من یاب ساناهی بیت، چونكو هەر كارەكێ مرۆڤی گێولێ خوە ب دانیتە سەر دێ سەركەفتنێ ئینت دا و هەكە مرۆڤ وێنەگرەكێ شارەزا بیت چو كامیرە دەستێ مرۆڤی دا بیت دێ داهێنانێ دكارێ خوە دا كەت و رەنگان دەتە وێنەی و ژ هەموو لایەن ڤە قەبارەی رێكئێخیت، بەلێ نوكە گەلەك كەس دەركەفتینە و خوە كریە وێنەگر و دبنیات دا نابێژنە وان وێنەگر، چونكو كارێ خوە وەك و پێدڤی ناكەن، ئانكو نەكو ژبۆ داهاتەكی وی كـــــــــــــــاری دكەن بتنێ وان دڤیت بەرنیاس ببن.
