سهام ماجد: هەتا ئافرەتێن بەهرەمەند و بوێر نەبن جڤاك پێش ناكەڤیت
ئەڤرۆ
پەروین سەلاح:
سهام ماجد، بازرگان و رێڤەبەرا گۆڤارا (بازار میدیا) د دیدارەكێ دا ل گەل رۆژناما ئەڤرۆ بەحسێ سەربۆرا خوە وەك ژنەكا خەلكا دهۆكێ د بۆارێ بازرگانیێ دا كر و گۆت: ب دیتنا من هەر ئافرەتەكا حەزا كاركرنێ دبۆارێ بازرگانیێ دا هەبیت دێ شێت سەركەڤیت و هەڤڕكیا بازرگانێن زەلام كەت، لێ ب وی مەرجی هەكە هزرێن وێ د بەرفرەهبن و مێشكەكێ بازرگانی هەبیت، زێدەباری پشتەڤانیێ كو ئەڤە ژی گەلەكا گرنگە و چو پێ نەڤێت دەستپێكا هەر كارەكی دێ یا ب زەحمەت بیت، لێ ب بۆرینا دەمی ئاستەنگ نامینن و ئەو ئافرەت دێ بیتە خودانكار و دێ شێت رۆلێ خوە گێڕیت.
هەروەسا گۆت: پێدڤیە ئافرەت ئاستێ زیرەكی و بەهرەیا خوە بزانیت و خوە پاڤێتە مەیدانا كاری، چنكو چو جاران جڤاك پێشناكەڤیت هەكە ئافرەتێن بەهرەمەند و بوێر دناڤدا نەبن، لێ ئەز دبینم پێشڤەیرنا تەكنەلۆژیایێ نوكە جڤاك پێشكەفتیە و ئافرەت ژی شیاینە رۆلەكێ كاریگەرتر دبۆارێ بازرگانیێ دا بگێڕن و هەتا رادەكی جهێ دەستێ وان یێ دیارە.
