دو گەنجێن زاخۆ ترۆمبێلەك چێكر
ئەڤرۆ
عەلی حاجی:
هونەر عەبدولكەریم، گەنجەكێ باژێرێ زاخۆیە، د دیدارەكێ دا بۆ رۆژناما ئەڤرۆ دیاركر كو وان شیایە ب كەلوپەلێن سادە ترۆمبێلەكا درێفت دروست بكەن و د هزرا وان دایە كارێن باشتر بكەن و دروستكرنا وێ ترۆمبێلێ پشتی وێ چەندێ هات كو وان دڤیا كارەكێ باش بكەن.
هونەری گۆت: ب رێیا هەڤالێ خوە بیلالی وان هزر د وێ چەندێ داكر كو ترۆمبێلەكێ دروست بكەن، لەوما وان دەست ب كاری كر و پشتی چەندین هەولدانان شیان ترۆمبێلەكێ ژ جۆرێ درێفت چێكەن و دبێژن هەكە شیانێن مە یێن ماددی باشتر بانە دا ئەم شێین ترۆمبێلەكا باشتر چێكەین و ئەڤا هاتیە چێكرن ژ كەلوپەلێن سادە یە، بەلێ یا ب هێزە ژبەر كو هەیكەلێ وێ ب ئاسنی هاتیە چێكرن و مە هزر د هندێ دا كریە هەكە ئەو ترۆمبێلە تووشی روودانەكێ بیت دا زوو تێك نەچیت و هەر چەندە د كارێن تەكنیكی و میكانیكی دا مە شارەزایەكا باش نینە، بەلێ ل دووف شیانێن خوە مە كارێ میكانیكی بۆ ترۆمبێلێ كریە و دیزاینا وی ل دووف هزرا مە بوویە.
