هەتا نوكە من نێزیكی 20000 پوولان كۆمكرینە
ئەڤرۆ
شاكر ئەتروشی:
ئاماد عومەرمزوری، خەلكێ باژێرێ دهۆكێ، ژ دایكبوویێ سالا 1971 یە، دەرچۆیێ كولیژا ئەندازیاری یە، ل سالا2001 وەرە ل وەلاتێ ئەلمانیا ئاكنجی بوویە، ئارەزوویا وی ژی كۆمكرنا پیلا و پارێ ئاسنی و یێ كاغەزی یە.
مزوری بۆ رۆژناما ئەڤرۆ گۆت دژیێ شازدە سالیێ دا من دەست ب كۆمكرنا پیلا (گابع) و پارێن ئاسنی و كاغەزی یێن كەڤن و نوو كریە، بەلێ بەهرا پتر یێن كەڤنن، ئەز دشێم بێژم هەتا نوكە من نیزیكی 20000 پیلان كۆمكرینە و هەر پیلەك من ل دووف دیرۆكا وێ دانایە، بۆ نموونە هەر 16 كانتۆنێن ئەلمانی پیلێن خۆ هەبوون و پشتی ئەلمانیا ئێكگرتی بووی ژی هەر پیلێن خۆ هەنە، ژبەر ڤێ ئێكێ گرنگە مێژوو بهێتە دیاركرن، بۆ زانین ل سالا 2022 من سەرەدانا باژێرێ دهۆكێ كر و چوومە رێڤەبەریا پوست و گەهاندنێ و شیام چەندین پیل و بەلگە و پێزانینان ل دۆر پیلێن كوردستانێ كۆم بكەم، هیڤیا من ئەو دەلیڤەك بهێت پێشانگەهەكا پیل و پارێن كەڤن ل كوردستانێ ڤەكەم، دێ ئەڤ سالە پشكداریێ د پێشانگەهێ دا كەم ل وەلاتێ ئەلمانیا.
