هەتا نوكە ئالایێ كوردستانێ ل (45) وەلاتان گێڕاندیە
ئەڤرۆ
شاكر ئەتروشی:
سارا ئارام كو ب (كچا ئالای) یا بەرنیاسە، د دیدارەكێ دا بۆ رۆژناما ئەڤرۆ دیاركر كو هەتا نوكە وێ ئالایێ كوردستانێ ل پایتەختێ (45) وەلاتان ل سەرتاسەری جیهانێ گێڕایە و ل هندەك وەلاتان پتر ژ دو هەتا سێ پارێزگەهان چوویێ و پێشوازیەكا جوان لێ هاتیە كرن و ئەڤ چەندە بوویە ئەگەر كو پتر یا بەردەوام بیت.
سارا خەلكا پارێزگەها كەركووكێ یە لێ ئەڤە چەندین سالە ل وەلاتێ (نیوزلەندا) دژیت، دبێژیت: پشتی ژ نەچاری ئەم ژ وەلاتێ خوە دووركەفتین و هاتینە غەریبیان من دڤیا بۆ خەلكێ بیانی ئەم دیاركەم كو ئەم كوردین و خودان دوزەكا رەواینە و هەتا نوكە مافێن مە ب ئاشكرای ژلایێ دەستهەلاتدارێن عیراقێ ڤە دهێتە خوارن، لەورا ئەو هزر بۆ من چێبوو كو هندەك جاران ب جلكێن خوە یێن كوردی و هندەك جاران ژی ب جلكێن پێشمەرگەی ل جادێن وەلاتێن جیهانێ بگێرم و هەتا نوكە ئەز چوویمە (45) وەلاتان و ل جادە و جهێن پری مرۆڤ ئەز گەریایمە و ئالا د دەستێ من دا بوو، هەر جهەكێ ئەز دچوومێ خەلكەكێ زۆر وێنە دگەل من و ئالایێ كوردستانێ دگرتن و هندەك ژوان پێزانین ل سەر مە كوردان هەبوون و هندەكان ژی من بۆ وان بەحسێ ئەو زۆلم و زۆرداریا ب سەرێ مە كوردان هاتی دكر و من ل بەرە دئەڤ سالەدا جارەكا دی بهێمە هەرێما كوردستانێ و جارەكا دی ب ئالایێ پیرۆزێ كوردستانێ ل باژێر و جادەیێن وەلاتێ خوە بگەڕیێم.
