فلمەكێ درێژ ل دۆر ئەنفالان دێ ل دهۆكێ هێتە چێكرن
ئەڤرۆ
شاكر ئەتروشی:
سینەماكار (مریەم سەمەدی) د دیدارەكێ دا بۆ رۆژناما ئەڤرۆ دیاركر كو ئەو خەلكا باژێرێ ئۆرمیێ یە ل رۆژهەلاتێ كوردستانێ، دەرچۆیا پشكا سینەمایێ یە و دژیێ بیست و سێ سالیێ دا دەست ب كارێ هونەری كریە و بۆ ئەنجامدانا چەند كارێن سینەمایی نوكە ب سەرەدان ل باژێرێ دهۆكێ یە.
ناڤهاتیێ گۆت: هەردو فلمێن من (هاڤینا قۆلنگان و كارنیكا) ل باژێرێ ئۆرمیێ هاتینە بەرهەمئینان، وان هەردو فلمان گەلەك خەلات ل ئیرانێ وەرگرتینە، نوكە ژی دو فلمێن دی ل بەردەستن و كاری ل سەر دكەم، هەتا نوكە من پشكداری د بیست و دو فیستەڤالێن جیهانی دا كریە، بۆ زانین فلمێن (خێ فرۆش، خانیەك نێزی ئاڤێ، هاڤینا قۆلنگان، ژ نڤیسین و دەرهێنانا منن و من ل بەرە چەند كورتە فلمان دگەل فلمەكێ درێژ ل دۆر ئەنفالان ل دهۆكێ چێكەم.
