دەمێ دبەر دهۆك تیڤی را دبۆرم ئاخینكەكا گەرم رادهێلم
ئەڤرۆ
هەرهین محەمەد:
پەروین عەبدولعەزیز، پێشكێشكارا بەرێ ل دهۆك تیڤی، د دیدارەكێ دا بۆ رۆژناما ئەڤرۆ گۆت: هەموو جاران دەمێ ئەز ل بەردەرگەهێ تەلەفزیۆنێ را دبۆرم سلاڤەكا گەرم لێ دكەم و ئاخینكەكا گەرم دهێت، چونكو جاران هەبوو پتر ژ مالێن خۆ مە ل ل وێرێ كاركریە و هەتا درەنگی شەڤ و دهۆك تیڤی دبینم مالباتەكا گەلە یا مەزن و سوپاسیا وێ دكەم مە پێشبێخیت و پێبگەهینت و دراستی دا دهۆك تیڤی وەكو دایكەكێ بۆ بۆمە.
پەروینێ گۆت: دبیت دەمەكی رۆژێ ژ بیست و چار دەمژمێران دەه دەمژمێران ب پشت راستی دناڤ كاری راگەهاندنێ دا بووم چ ل تیڤیێ بیت، یان رۆژنامێ و گۆڤارێ بیت ل وی دەمی گەنجاتی بوو مرۆڤی هەست ب هێز هەبوو پاشان هێدی هێدی مرۆڤ حەزدكەت كارێن خۆ كورت دكەت وەكو چەوا دارەك بلند بیت و مرۆڤ حەزبكەت سالانە ب كەزێخیت و هندەك چەقان ژێڤەكەت و بلندتر لێ بهێت و رەوشەكادی بدەیە خۆ ئەز ژی ژ وان كەسان بووم ژ زارۆكینیا خوە من حەز ژ كارێ راگەهاندنێ كریە و رەحمەتیێ مامێ من و بابێ من و خێزانا من هاریكاریا من كریە كو ڤی كاری بكەم و ل دەمەكی دا من بڕیاردا خێزانێ پێك بینم و بەردەوامیێ ب خواندنا خو بدەم و نوكە قوتابیا دكتۆرایێ مە.
