دەمێ كەڤالەكی چێدكەت پێدڤی ب بێ دەنگیێ یە
شاكر ئەتروشی:
هێلان مەعروف، كچەكا شێوەكارە ل باژێرێ زاخۆ، د دیدارەكێ دا بۆ رۆژناما ئەڤرۆ دیاركركو پێدڤیە كچێن شێوەكارێن زاخۆ ببنە دەرگەهەك بۆ كچێن خودان بەهرە و بابێ وێ رێیەكا باش بۆ ڤەكر بەر ب شێوەكاریێ ڤە بچیت و گرنگە ژی خێزان پشتەڤانێ سەرەكیێ كچێ بیت. ناڤهاتیێ گۆت: ل سالا 2017 بۆ جارا ئێكێ بابێ من بۆ من وێنەیێ هەسپەكی چێكر و هەر د وی دەمی دا حەزا وێنەكێشانێ بۆ من دروست بوو، دگەل بۆرینا دەمی شیانێن من باشتر لێهاتن و هەتا نوكە یا بەردەوامم، گەلەك هەست ب خۆشیێ دكەم دەمێ وێنەیەكێ ب دووماهی دئینم و سەحدكەمە وێنەیێ خوە ،گەلەك حەزژچێكرنا دیمەنێن سروشتی و وێنەیێن كەسوكی دكەم، ب دیتنا من گرنگە شێوەكار ب هزر و جوانیا ناخێ خوە كەڤالەكی چێكەت دێ گەلەك جوانتر بیت ژبەركو هەر مرۆڤەك ب هزر و دیتنێن خوە جوانە و ماموستایێن شێوەكاری ل زاخۆ هاریكارێن سەرەكی بوون دگەل من كو فێری شێوەكاریێ ببم و دەمێ كەڤالەكی چێدكەم من پێدڤی ب بێ دەنگیێ هەیە و ترس و زەحمەتیا كری ژبیر دكەم ژ نوو وێنەیی دروست دكەم دا كو بشێم د كوراتیا شیانێن خوە دا كەڤالی چێكەم و پێدڤیە كچێن شێوەكار ل زاخۆ ببنە دەرگەهەك بۆ كچێن خودان بەهرە كو ترسێ باڤێژن و بەهرەیا خوە دیار بكەن
