پاپایێن ڤاتیكان ل زاخۆ بوون
زاخۆ، عەلی حاجی:
وێنەیێن (266) پاپایێن ڤالتیكان د پێشانگەهەكێ دا ل باژێرێ زاخۆ هاتنە نیشان دان و ئەو وێنە ژلایێ سەنتەرێ عەشتار یێ رەوشەنبیری ڤە هاتبوونە كومكرن.
بابێ ئەیمەنی بەرپرسێ سەنتەرێ عەشتار یێ رەوشەنبیری بۆ رۆژناما ئەڤرۆ گۆت: پێشانگەها تایبەت یا وێنەیێن پاپایێن ڤاتیكان بۆ ئێكەم جارە ل هەرێما كوردستانێ دهێتە ڤەكرن كو بەری نوكە ل وەلاتەكێ ئۆرۆپی ئەو پێشانگەه هاتبوو ڤەكرن، بەلێ بۆ جارا دویێ یە ل سەر ئاستێ جیهانێ ل باژێرێ زاخۆ دهێتە ڤەكرن و تشتێ جوان ژی د وێ پێشانگەهێ رێژەیەكا باش یا موسلمانان پشكداری تێدا كر بوون كو ئەڤە ژی نیشانا جوانیا پێكڤە ژیانێ یە ل زاخۆ و كومڤەكرنا وێنەیێن پاپایێن ڤاتیكان گەلەك یا ب زەحمەت بوو ژبەركو هەر پاپایەكێ دەستهەلات وەرگرتی مە وێنەیێن وی ب دەست ڤەئیناینە و ئەو چەندە ژی كارەكێ گەلەك ب زەحمەت بوو هەتا مە شیایی ب دەست ڤە بینن.
