عابد دهۆكی و حەسەن شەریف دێ چ كار پێكڤە ئەنجامدەن؟
ئەڤرۆ، هەرهین محەمەد:
سترانبێژێ كوچكۆ دیوانا عابد دهۆكی دیار كر كو نوكە ئەو مژوولی چێكرنا چەند سترانێن مێژوویی یە سترانەك وی هەیە ل سەر فەرمانا مەسیحیێن سێمێلێ دەمێ مەلك غازی فەرمانا وان راكری ل وی دەمی ل سەر دەمێ مەلك یاقو بوو سترانەكا دی هەیە یا شێخ جەلالەدین بازیبی و د سەر دەمێ سولتان عەبدولحەمیدی دا ئەڤ شەرە هاتیەكرن ل كەلا بازیدێ و دیسان سترانا شێخ شهابەدین و سەید عەلی د سەردەمێ حكومەتا عوسمانیان دا ل سالا 1913 ل بەدلیسێ سێدارە دان و كوردان ل سەر ڤێ چەندێ شەرێ دەولەتا عوسمانی كریە و ئەڤ سترانە رتمی نە و من ل بەرە هەتا هونەرمەند حەسەن شەریڤ بهێت و دانوستاندنێ ل سەر ڤان سترانان بكەین و ب ئانەهیا خودێ دێ كارەكێ باش پێكڤە كەین.
عابدی د لایەكێ دی دا گۆت: ل سالا 1997 من قاوەنەك ل باژێرێ پەیداكریە هونەرمەند كاویس ئاغای سترانەك بەری نوت سالان بۆ كومپانیا نەعیم گۆتیە و بۆ جارا ئێكێ یە ئەڤ سترانە دهێتە دیاركرن دناڤ خەلكی دا و ئەڤ سترانە ژ مێژە من ئەرشیف كریە بۆ خودانا ژی ل جهێن بلند هاتیە رەوانەكرن و مللەتێ كورد گەلەك تشت پێ هاتینە گۆتن بەلێ، هەموو دبەرزەنە و دەمێ ئەڤ سترانە هاتیە گۆتن د ناڤ عەرەبان دا هاتیە تۆماركرن ل سەردەمێ مەلك فەیسەلی بوو من گەلەك زەحمەت بریە بۆ ب دەستڤە ئینانا بەرهەمێن ب ڤی رەنگی و هەكە بزانم بەرهەمەكێ هونەرمەندەكی ل كیژ وەلاتی هەیە ئەز خوە دگەهینمێ و ب دەست خوە ڤە دئینم.
