بەسام قەشە: هونەر پشكەكا گرنگە د ژیانا من دا
ئەڤرۆ
ئەڤرۆ، شاهۆ فەرید:
شێوەكاری گەنج بەسام قەشە د دیدارەكێ دا بۆ بەرپەرێ هونەریێ رۆژناما ئەڤرۆ گۆت: دەمێ قوتابی ل قوتابخانێ حەزا كارێ شێوەكاری ل دەف من پەیدابوو و ژ بەر ڤێ حەزێ نوكە بوویمە قوتابیێ پشكا شێوەكاری ل زانكۆیا جیهان، هونەر پشكەكا گرنگە د ژیانا من دا و بێ هونەر نەشێم ژیانا خوە ببورینم.
ناڤهاتی ئاماژە دا وێ چەندێ كو ئاستەنگ د كارێ وی یێ هونەری دا هەبووینە، بەلێ رێگری نەبوویە و گۆت: «ئەم ل سەردەمەكی دژین كەڤال یێ گەهشتیە هونەرێ تێگەهشتنێ، ئەڤ جورە یێ زەحمەتە بەلێ ئەنجامێ خوە هەیە، ئەڤە ژی جهێ دلخوەشێ یە، دەما من كەڤال گوهارتی بۆ نیشاندانا رەهەندی (موجەسەم)یی شیام نامەیێ پێ بگەهینم».
بەسامی خویا كر كو ڤەكرنا پێشانگەها و داخوازكرنا هونەرمەندان پتر هۆنەرمەند دهێتە پێش و هەبوونا خوە دیاردكەت، هونەر هاتیە پاشێخستن و كێم ڤەكرنا فیستەڤال و پێشانگەهێن هەڤپشك ڤاریبوون پەیداكریە.
