دژایەتی و گۆتنێن خەلكی رێگریێ لێ ناكەن
ئەڤرۆ
زنار تۆڤی:
داریڤان عەبدولستار، كارێ فرۆشتنا كراس و جلێن كوردی ل دهۆكێ دكەت، د دیدارەكێ دا بۆ رۆژناما ئەڤرۆ گۆت: ل سالا 2015 من پشكا زمانێ ئینگلیزی ل كۆلیژا ئادابێ ل زانكۆیا دهۆكێ خواندیە، پشتی من دیتێ دیتنا كاری ل دهۆكێ یا ب زەحمەتە، من هزر ل هندێ كر، كو ئەز كارەكێ سەربەخۆ بۆ خۆ بكەم، ل دەستپێكێ من هزر د هندێ دا كرجلكێن ئورۆپی بینم، پاشی من بریاردا جلكێن كوردی بینم.
ناڤهاتیێ گۆت: ئەم جلكان ژ توركی و دوبەیی و ئیرانێ دئینین، پشتی بوویمە خودان كار هەست ب سەرفەرازییێ دكەم، نوكە ئەز و خووشكا خۆ ڤی كاری دكەین و پێكڤە دوكانێ برێڤە دبەین، مە دربنگەه ژی هەیە و دو كچ ژی ل ل دەف مە كار دكەن، مالباتا مە ژی گەلەك دهاریكارن و دژایەتی و گۆتنێن خەلكێ نابنە رێگر ل پیشیا كارێ مە، هەر چەندە خەلك ژی ب چاڤەكێ باش و ب پشتەڤانی بەرێ خۆ ددەنە كارێ مە و خەلك دبێژن كار نینە، لێ هەكە مرۆڤ بزاڤان بكەت و حەزا كاری هەبیت، دێ شێت كاركەت و داهاتەكێ ژی بۆ خۆ پەیدا كەت و ئەز گەلەك یا ب كارێ خۆ سەربلندم.
