دلنیا رەزازی مژوولی تۆماركرنا هندەک سترانێن نوویە
ئەڤرۆ
سولین سلێمان:
سترانبێژ (دلنیا رەزازی) كچا هەردو هونەرمەندێن مەزن (ناسرێ رەزازی و مەرزیە فەریقی) كو ل وەلاتێ سوید دژیت، د دیدارەكێ دا بۆ رۆژناما ئەڤرۆ گۆت: ژبەركو دایك و بابێ من سترانبێژ بوون، دژیەكێ بچووكدا حەزا سترانگۆتنێ ل دەف من ژی چێبوو، ل وی دەمی دایكا من هەستپێكر كو دەنگێ من یێ باشە گۆتە من سترانان بێژە ئەز دێ پشتەڤانیا تەكەم، لەورا من دەستپێكر و هەتا نوكە من چەندین ئەلبۆم و كلیپ هەنە، كلیپا من یا ئێكێ ژی ل سالا 2006 بوو، ب ناڤێ (دۆری تۆ) كو من ب وەغەركرنا دایكا خوە گۆتبوو، هەروەسا گۆت: ئەڤە دەمەكە مژوولی چەند سترانێن نوومە هیڤیا من ئەوە ل دەمەكێ نێزیك بەلاڤكەم و ب دلێ بینەر و گوهداران بن، بۆ زانین ژبلی سترانگۆتنێ من كارێ پێشكێشكاریێ ژی كریە، چنكو دایك و بابێ من ژی سەربۆر دوی بۆاری دا هەبوون.
