دخواست ببیتە پەیامنێرا شەڕی
ئەڤرۆ
دلڤین رەشید
مەدیاكار (جەواهر عومەر) د دیدارەكێ دا بۆ رۆژناما ئەڤرۆ دیاركر كو ئەو خەلكا رۆژئاڤایێ كوردستانێ یە ژ باژێرێ دێركێ، ئەڤە نێزیكی نەه سالانە وەك پەنابەر ل هەرێما كوردستانێ دژیت و دەرچویا زانكۆیا پۆلیتەكنیك پشكا رۆژنامەڤانی ل هەولێرێ، ژبەر حەزا وێ بۆ كارێ راگەهاندنێ دخواست ببیتە پەیامنێرا شەڕی.
نافهاتیێ گۆت: دەمێ ئەز قوتابی ل زانكۆیێ بەردەوام من سەردانا بەرۆكێن شەری دكر ژبۆ چێكرنا راپۆرتان، چنكو من دخواست ببمە پەیامنێرا شەڕی، لەورا من بەردەوام بزاڤ دكرن شیانێن خوە پێش بێخم دبۆارێ راگەهاندنێ دا، لەورا چوومە دناڤ پرۆژەكی دا دگەل رێكخراوا ئاژ یا فرەنسی كو گرنگیێ ب شیانێن ژنێن روژنامەڤان ددەت، ل وێرێ فێری بۆارێ تەكنیكی و بەرهەم ئینانا پودكاستێ بووم، نوكە ل رادیۆیا سلام كاردكەم من بەرنامەك هەیە و بەردەوام دێ ل سەر شیانێن خوە كاركەم دناڤ راگەهاندنێ دا هەتا كو بشێم پێگەهێ خوە وەك ژنەك دڤی بۆاری دا بلند بكەم، چنكو چ جوداهی نینە دناڤبەرا هەر رەگەزەكی دا ب تایبەت ژی دكارێ راگەهاندنێ داهەر ئێك ل دووف حەز وشیانێن خوە دشێت رۆلێ خوە ببینیت.
