لاڤرۆڤ: دێ گوهۆڕینێن مەزن ل دەڤەرێ روو دەن
ئەڤرۆ
وەزیرێ دەرڤە یێ رۆسیا راگەهاند، ئەو وەکو رۆسیا نها ب هەموو رەنگەکێ کار بۆ ئاساییکرنا پەیوەندیێن تورکیا و سووریێ دکەن، چونکی هەکە پەیوەندیێن هەر دو وەلاتان ئاسایی ببن ئەو یەک دێ کاریگەریا خۆ ل رەوشا رۆژهەلاتا ناڤین کەت، ئەمریکا ب هەموو رەنگەکێ دڤێت رەوشا رۆژهەلاتا ناڤین ئالۆز بکەت لێ وەکو رۆسیا مە دڤێت دەست ب قۆناغەکا نوو بکەین.
ناڤهاتی ئەو یەک ژی دیار کر، پێدڤیا رۆژهەلاتا ناڤین ب ئارامیێ هەیە، ئەمریکا بەردەوام دڤێت ئالۆزیان ل رۆژهەلاتا ناڤین دروست بکەت، ئالۆزیێن د ناڤبەرا تورکیا و سووریێ دا د بەرژەوەندیا ئەمریکا دانە، لێ رۆسیا دڤێت دەست ب قۆناغەکا نوو بکەت و پرسێن هەی د ناڤبەرا تورکیا و سووریێ دا چارەسەر بکەت، دڤێت وەلاتێن رۆژهەلاتا ناڤین پێکڤە دەست ب قۆناغەکا نوو بکەن و پڕانیا پرسێن هەی د ناڤبەرا خۆ دا چارەسەر بکەن، دڤێت رێ نەدەین ئەمریکا ل سەر بنەمایێ دروستکرنا ئالۆزیان پێگەهێ خۆ ل دەڤەرێ بهێز بکەت.
