سیبەر دۆسكی: هیڤیا من ئەوە بشێم دلێ بینەران خۆش بكەم
ئەڤرۆ
شاكر ئەتروشی:
سیبەر دەهام هابی، بەرنیاس ب (سیبەر دۆسكی) د دیدارەكێ دا بۆ رۆژناما ئەڤرۆ گۆت: ئەز ژدایكبوویا سالا (1992) مە و دژیەكێ بچووكدا حەزا كاركرنێ د بۆارێ راگەهاندنێ دا ل دەف من هەبوو، ل 2014 دەلیڤە هات و ئەز چوومە زاگرۆس تیڤی بوومە بێژەرا دەنگوباسێن سیاسی، پاشی ئەز هاتمە دەزگەهێ سەتەلایتا كوردستان و نوكە بەس كارێ پێشكێشكاریێ دكەم و نوكە ب شەڤ بەرنامەكی ب ناڤێ (رەمەزانی كوردستان) پێشكێش دكەم و بەری نوكە ژی من بەرنامێن (رەنگی ئێواران و بەیانی باش كوردستان) پێشكێش دكرن و بۆ من كارێ پێشكێشكاریێ گەلەك خۆشترە ژ بێژەریێ.
سیبەرێ گۆت: ل دەستپێكێ هەتا نوكە مالا مە هەموو ب تایبەت ژی دایك و باب گەلەك د هاریكارن دگەل من و هەردەم حەزكەن ئەز پێشكەڤم، هەروەسا هەڤژینێ پاشەرۆژێ (عەگید بارزانی) كو ئەز خواستیا وی مە ئەو ژی گەلەكێ هاریكار و پشتەڤانە بۆ من و من باوەریا هەی دێ ب پشتەڤانیا وی یا بەردەوامبم و پتر شێم خزمەتا راگەهاندنا كوردی كەم و هیڤیا من ئەوە بشێم ب رێیا بەرنامێن خوە دلێ بینەران خۆش بكەم.
