بابێ من رێنیشاندەر و ماموستایێ منە
شاكر ئەتروشی:
سترانبێژ و كەمانچەژەن (ئاكار دهۆكی) د دیدارەكێ دا بۆ رۆژناما ئەڤرۆ گۆت: ژبەركو بابێ من (عابد دهۆكی) سترانبێژەكێ فۆلكلۆری یە بەردەوام ئەز ل دیونا وی دروونم و گوهداریا دەنگێ وی دكەم، هەروەسا بەرێ خوە ددەمێ كا چاوا كەمانچێ دژەنیت و ب بۆرینا دەمی ئەز ژوی فێربوویە كا چاوا كەمانچێ بژەنم، هەروەسا چاوا سترانان بێژم، ئانكو بابێ من رێنیشاندەر و ماموستایێ منە. ئاكار، كو نوكە دژیێ بیست و دوسالیێ دایە، گۆت: بەری شەش سالان ئەز ب دروستی فێری ژەنینا كەمانچێ بووم، پاشان من ستران ژی گۆتن و ژبلی سترانێن فۆلكلۆری ئەز چ سترانێن دی نابێژم و بۆ پاشەرۆژێ من ژی دڤێت وەكو بابێ خوە بەرنیاس ببم، بۆ زانین من وەك كەمانچەژەن پشكداری د كلیپەكا هونەرمەند حەسەن شەریف دا كریە، هەروەسا كەمانچە بۆ بابێ خوە و هونەرمەند حەسەن عەلی خەنجەر و خەلەف حالی و گەلەك سترانبێژێن دی ژەنینە.
