کۆمبوونا مۆسکۆ بێی ئەنجام ب دووماهی هات
ئەڤرۆ
ب، سه‌رجان مەحمود:
فه‌هیم تاشته‌کین رۆژنامه‌ڤان و نڤیسه‌رێ ناڤدار یێ تورکیا د داخۆیانیه‌کێ دا بۆ مالپه‌رێ رۆژناما دوڤار راگه‌هاند کو د کۆمبوونا چار ئالی یا د ناڤبه‌را رۆسیا، تورکیا، ئیران و سووریێ دا په‌یوه‌ندیێن د ناڤبه‌را سووریێ و تورکیا دا هاتنە گه‌نگه‌شه کرن و گۆت: (کۆمبوونا وه‌زیرێن بەرگریێ یێن تورکیا، سووریێ، ئیران و رۆسیا ب هێڤیه‌ک مەزن ده‌ستپێکر، لێ بێی ئه‌نجام ب دووماهی هات و د کۆمبوونێ دا بەحسێ ڤه‌کێشانا هێزێن تورکیا ژ سووریێ هاتە کرن، لێ تورکیا د قۆناغا نها دا ره‌تکر، کو هێزێن خوە ژ باکورێ سووریێ ڤه‌کێشیت و ل هه‌مبه‌ر دا وه‌زیرێ بەرگریێ یێ سووریێ ژی راگه‌هاند د ره‌وشه‌کا وه‌سا دا ئەو ئاماده نینن پەیوەندیێن خوە ل گەل تورکیا ئاسایی بکەن).
ناڤهاتی راگەهاند ژی به‌شار ئه‌سەد د ره‌وشا نها دا هه‌تا پشتی هه‌لبژارتنێن تورکیا ب چو ره‌نگەکێ نەڤێت ل گه‌ل ئه‌ردۆغانی کۆمبیت، چونکی ئه‌سەد وه‌سا هزر دکه‌ت هەکە نها ل گەل ئەردۆغانی کۆمبیت ئەو یەک دێ د بەرژەوەندیا ئەردۆغانی دا بیت، ژ بەر هندێ ژی زێدەبارێ فشارێن پۆتینی هەتا نها ژی بەشار ئەسەد ئامادە نینە چو هەڤدیتنەکێ ل گەل ئەردۆغانی بکەت).
