خودێ چو مرۆڤ بێ بەهرە نەداینە
ئەڤرۆ
سولین سلێمان:
محەمەد رەزوان، بەرنیاس ب (حەمە كۆمێدی) گەنجەكێ خەلكێ دهۆكێ یە، ژیێ وی بیست سالن و قوتابیە ل پولا یازدێ ئامادەی، ئەڤە گەنجە شیایە ب رێیا بەلاڤكرنا چەند پارچە ڤیدیۆێن خوە یێن كۆمێدی د سۆشیال مەدیایێ دا هژمارەكا زۆرا بینەران ب خوە ڤە گرێدەت.
حەمە كۆمێدی، بۆ رۆژناما ئەڤرۆ دبێژیت: ل سالا 2016 من دەست ب چێكرنا پارچە ڤیدیۆیێن كۆمێدی كریە و ل دەستپێكێ د فەیسبووكێ خوە دا بەلاڤ دكرن، پشتی دەمەكی من دیت بینەرێن وان ڤیدیۆیان یێن زێدە دبن و خەلكەك یێ دەستخۆشیێ ل من دكەن، لەورا من بڕیاردا یێ بەردەوامبم و ل سالا 2021 من چەنالێ یۆتیۆبی چێكر و ڤیدیۆیێن خوە ب مۆبایلا ئایفۆن شەش چێدكرن و بەلاڤ دكرن و دایك و باب ژی گەلەك د پشتەڤان بوون و هەردەم ئەز دبێژم خودێ چو مرۆڤەك بێ بەهرە نەدایە، لەورا هەكە مرۆڤ ل بەهرەیا خوە بگەڕێت دێ هەر دیاربیت و دێ خوە پێشڤەبەت.
