كورتە فلمەکێ دەرهێنەرەكا كورد ل دانیمارك دێ هێتە نیشادان
ئەڤرۆ
Dream كورتە فلمەكێ ئەنیمەیشنە ژ نڤیسن و دەرهێنانا دەرهێنەرا كورد سنۆبەر ئاڤانی یە كو خەلكا هەولێرا پایتەختە و نوكە ل دانیمارك دژیت، دەرهێنەرا ناڤهاتی د ڤی فلمی دا بەحسێ زارۆیەكی دكەت كو ژ ئەگەرێ شەری وەلاتی بجه دهێلیت و خەونێن مەزن هەنە بۆ ب دەستڤەئینانا خەونان دچیتە ئورۆپا و دووڤ دا دەردكەڤیت و ل وەلاتی ژی كو دبیتە وەلاتێ دویێ خەونێن وی بجه ناهێن.
سنۆبەر ئاڤانی، نڤیسەر و دەرهێنەرا فلمێ Dream بۆ رووداو دیار كر كو ئەڤ بەرهەمە ب شێوەیكی گشتی بەحێ پەنابەریێ دكەت كو ژ ئەگەرێ رەنگ و كەلتۆری رێگری ل بدەستڤەئینانا خەونان ل وەلاتێ دویێ دهێتە گرتن، بەلێ هەكە مرۆڤ بەردەوام كار بۆ بجهئیننا خەونێن خوە بكەت دێ بجه هێن و گۆت: « نیشادانا تایبەتا ڤی كورتە فلمی دێ ل 12ی ڤێ هەیڤێ ل دانیمارك بیت كو دەمێ ڤی كورتە فلمی 15 خۆلەكە و دووڤ دا دێ بۆ فیستەڤالێن سینەمایی هێتە هنارتن.
