خەونێن مەزن بۆ پاشەرۆژێ هەنە
ئەڤرۆ
عەزیز هەورامی:
شێوەكار (ئەوین حەیدەر) كو ژ دەڤەرا دەربەندیخانە، سەر ب پارێزگەها سلێمانیێ ڤە، د دیدارەكێ دا بۆ رۆژناما ئەڤرۆ گۆت: ب حەزا خوە و پشتەڤانیا ملێ، دژیەكێ بچووكدا من دەست ب چێكرنا كەڤالان كر و هەتا نوكە من پتری پێنجی كەڤالێن شێوەكاری و دوسەد وێنێن كەسایەتیان چێكرینە و چەند پێشانگەهێن تایبەت ڤەكرینە، هەروەسا من پشكداری د چەندین پێشانگەهان دا كریە و دێ یا بەردەوامبم.
ناڤهاتیێ گۆت: گەلەك كەس داخوازێ ژمن دكەن كو وێنێن وان یێن كەسوكی كو ئەم دبێژینێ (پۆرترێت) بۆ چێكەم و بهایێ چێكرنا هەر وێنەكی دناڤبەرا بیست و پێنج هەتا سیه و پێنج هزار دیناران دایە، هەروەسا بهایێ كەڤالێن من ژی ژ دوسەد هەتا چارسەد دۆلاران دایە، بۆ زانین من خەونێن مەزن بۆ پاشەرۆژێ هەنە و من دڤێت پتر پێشانگەهان ڤەكەم.
