بەرهەڤیان بۆ کۆمبوونەکا دیرۆکی دکەین
وەزارەتا دەرڤە یا رۆسیا راگەهاند، ئەو بەرهەڤیان بۆ کۆمبوونەکا دیرۆکی ل مۆسکۆیێ دکەن، کۆمبوون دێ ب پشکداریا وەزیرێن دەرڤە یێن هەر چار وەلاتێن تورکیا، ئیران، سووریێ و رۆسیا برێڤە چیت و ئارمانجا سەرەکی یا کۆمبوونێ ژی چارەسەرکرنا قەیرانا سووریێ یە، بێگومان بۆ جارا ئێکێ پشتی چەندین سالان دێ وەزیرێن دەرڤە یێن تورکیا و سووریێ کۆمبن و ئەو یەک ژی پێنگاڤەک گرنگە بۆ چارەسەریا قەیرانا سووریێ.
وەزارەتا دەرڤە یا رۆسیا ئەو یەک ژی دیار کریە، وەکو رۆسیا وان دڤێت هەر دو وەلاتێن تورکیا و سووریێ دەست ب قۆناغەکا نوو بکەن، ژ بەر هندێ ژی کۆمبوونا ١٠ ڤێ مەهێ ل مۆسکۆ کۆمبوونەکا گەلەک گرنگ و دیرۆکیە و بێگومان دێ ئەنجامێن خوە یێن باش ژی هەبن.
