رۆسیا نەگەهشتیە ئارمانجێن خوە
سەرۆکێ ئوکرانیایێ راگەهاند، رۆسیا هەتا نها نەشیایە بگەهیتە ئارمانجێن خوە، ژ بەر هندێ ژی رۆسیا خوە بۆ شەڕەکێ دەمدرێژ و بەرفرەه بەرهەڤ دکەت، ئێرشا ڤێ دووماهیێ یا ل سەر پۆتینی ژ ئالیێ ئوکرانیایێ ڤە نەهاتیە کرن، بەلکو رۆسیا دڤێت وی بابەتی بکەتە بەهانە و دەست ب ئێرشێن دژوارتر بکەت.
زیلێنسکی ئەو یەک ژی دیار کر، هێزێن وان هەتا نها شیاینە دربێن کوژەک ل هێزێن رۆسیا بدەن، رۆسیا هەتا نها نەگەهشتیە ئارمانجێن خوە ل ئوکرانیایێ، ژ بەر هندێ ژی نها رۆسیا بەرهەڤیان بۆ شەڕەکێ مەزن دکەت و وەکو ئوکرانیا ئەم ژی داخوازا هاریکاریێن زێدەتر ژ وەلاتێن ئەندامێن ناتۆیێ دکەین دا بشێین ب توندی بەرسڤا ئێرشێن رۆسیا بدەین، چونکی ئەم نەچارین رۆسیا تووشی شکەستنەکا مەزن بکەین.
